Կլոր սեղանի շուրջ քննարկումներ
Հանդիպում կլոր սեղանի շուրջ
2013թ. Հուլիսի 11 –ին ԳՀՀ վերականգնվող էներգիայի զարգացման ծրագրի շրջանակներում կազմակերպվեց մեկօրյա քննարկումներ կլոր սեղանի շուրջ, նվիրված շրջակա միջավայրի վրա ՓՀԷԿ-երի ազդեցությանը: Մոտ 25 մասնակիցներ ներկայացնում էին հետևյալ կազմակերպությունները.
• Շրջակա միջավայրի պաշտպանությանը առնչվող տարբեր ՀԿ-ներ
• ՀՀ էներգետիկայի եվ բնական պաշարների նախարարություն
• ՀՀ Բնապահպանության նախարարություն
• Շրջակա միջավայրի պաշտպանության Երիտասարդ Իրավաբանների Ասոցիացիա
• KfW բանկ
• ԳՀՀ
• ԳՀՀ-ի տեխնիկական խորհրդատու
Հանդիպումը կազմակերպվել էր ՓՀԷԿ-երի ծրագրերի քննարկման, կառուցման և գործունեության վերաբերյալ ձեռք բերած փորձի փոխանակման համար, նպատակ ունենալով բացահայտել այն ուղիները որոնք հնարավորություն կտան բարձրացնել ՓՀԷԿ-երի բաժնետերերի իրազեկվածությունը շրջակա միջավայրին և սոցիալական հարցերին վերաբերող խնդիրների ուղղությամբ:
Բոլոր կողմերին առաջարկվեց քննարկել հետագա համագործակցության հնարավորությունները:
ԳՀՀ Վերականգնվող էներգետիկայի ծրագրի ներկայացումից և մասնակիցների տեղեկատվական ելույթներից հետո սկսվեցին քննարկումները:
Մի շարք ելույթներ և պրեզենտացիաներ ներկայացրեցին որոշ ՓՀԷԿ-երի սխալներն ու բաց թողումները շրջակա միջավայրի և սոցիալական խնդիրների վերաբերյալ: Կոնկրետ օրինակներով՝ ինչպիսիք էին գործող իրավական նորմերի խախտումները, սկսած լիցենզավորման գործընթացից, օրինակ՝ ոչ ճիշտ կազմակերպված հանրային լսումները և այլն, շինարարության կազմակերպումը, օրինակ՝ մեծ թվով ծառահատումները և այլն, ՓՀԷԿ-երի շահագործումը, օրինակ՝ ձկնանցարանների արգելափակումը և այլն ներկայացվեցին ՓՀԷԿ-երի կողմից հանրությանը մտահոգող խնդիրները: Միևնույն ժամանակ քննադատվեց համապատասխան նախարարությունների պասիվ վերաբերմունքը, ինչպես նաև կարգավորող կազմակերպությունների ոչ համարժեք արձագանքը նման երևույթների առկայության դեպքերում: Որպես օրինակ բերվեցին նման խախտումների համար նախատեսված շատ ցածր տուգանքները, ինչպես նաև ոչ համարժեք մոնիտորինգներն ու հսկողությունը և այլն:
Միջազգային ստանդարտների շրջանակներում Ֆիխտների փորձագետները ներկայացրեցին իրենց տեսակետները, որոշումների կայացման գործընթացների ընդունված մեխանիզմները՝ հանրային լսումների, շրջակա միջավայրի պաշտպանության այլ միջոցառումների օգտագործմամբ: Մասնակիցներին առաջարկվեց ներկայացնել պրակտիկ առաջարկներ սեկտորում առկա վիճակի բարեփոխման համար: KfW-ի և ԳՀՀ-ի ներկայացուցիչները հայտնեցին, որ շրջակա միջավայրի պաշտպանությունը և սոցիալական խնդիրնեըը հանդիսանում են ծրագրի անբաժան մասը և միշտ լինելու են ուշադրության կենտրոնում: Նրանք կոչ արեցին հանդիպման բոլոր մասնակիցներին իրենց ներդրումը կատարել շրջակա միջավայրի պատշաճ պահպանման համար և ակտիվ պայքարել ՀՀ օրենսդրությունը խախտողների դեմ:
Հանդիպման ավարտին ամփոփվեցին հետևյալ առաջարկներն ու եզրակացությունները:
- Բարեփոխել հանրային լսումների գործընթացը
- Առկա օրենսդրական դաշտում կատարել համապատասխան բարեփոխումներ
- Սահմանել անվտանգության, առողջության և շրջակա միջավայրի վրա ազդեցության գնահատման մեթոդոլոգիաներ
- Յուրաքանչյուր գետի վրա սահմանափակել ՓՀԷԿ-երի կառուցման հիմնավորված թվականակ:
Մասնակիցներին խնդրեցին ներկայացնել ԳՀՀ ՎԷ ծրագրի բարեփոխման իրենց առաջարկենրը ԳՀՀ գրասենյակ: